نصیر آباد، راولپنڈی، پولیس نے پیرودھائی کی ایک مسجد کے امام کو گیارہ سالہ بچی کے ساتھ زیادتی کرنے کے جرم میں گرفتار کر لیا۔
خلیل الرحمن نامی شخص، جو پیرودھائی، راولپنڈی کی ایک مسجد میں نماز پڑھاتا ہے، اور شام کے وقت بچوں کو قرآن پڑھاتا ہے، نے اپنے اقبالی بیان میں انکشاف کیا کہ وہ گزشتہ ڈیڑھ مہینے سے گیارہ سالہ بچی کو جنسی زیادتی کا نشانہ بنا رہا تھا۔
ملزم کا اقبالی بیان راولپنڈی پولیس نے اپنے آفیشل سوشل میڈیا پیج پہ جاری کیا۔ جس کو سننے کے بعد عوام میں شدید غصہ نظر آ رہا ہے۔ اور زیادہ تر لوگ مطالبہ کر رہے ہیں کہ ایسے درندے کو جیل میں ڈالنے کا کوئی فائدہ نہیں۔